PASCATIRA vulgo PASCATIR

PASCATIRA, vulgo PASCATIR

regio Asiae Septentrionalis, ultra Moscoviam, ex qua orti tum Hunni olim, tum Hungari, teste Rubruque Monachô, legatione ad Magnum Tartarorum Imperatorem celebri: qui etiam Iuhros, e quorum provine. Iuhra nonnulli, inter quos Baro Herberstenius, Hungaros prodiisse volunt, distingui a Pascatiris et Sinensibus esse propiores, addit. Vide Georg. Hornium Orb. Imper. ubi, varias de Hunnorum origine sententias enumerans, non tam a Tartaris, aut Russis, ut quidam volunt, quam a Pascatiris, auctoritate Monachi praefati motus, eam accersit. Quorum quidquidsit, certum est, ab extremis frigidissimisque Septen trionum oris Hunnos Hungarosque prodiisse, neque proin videtur Fellero ad Hornium multum interesse, an ad Tartaros an ad Iuharos, Mosco subiectos, an ad Pascatiros, eorum ortum referas, siquidem hi omnes inter Moscos et Sinenses sint siti. Certe Russi sive Mosci hodieque gloriantur, suosolim subditos Hungaros ex Iuharia sive Iuhra, quae ad Oceanum Septentrional. Moscici Imperii est, egressos ad Danubium commigrâsse occupatâque Pannoniâ eam suô nomine Iuhaviam primo, postea literis paulum immutatis Hungariam appellâsse; Quin et hoc addunt, Iuharos in hunc usque diem eâdem cum Hungaris linguâ uti, uti Baro Herberstenius in legatione sua comperit, etc.